June 13-15,2018 tashi tasembuba ABAM Social Concern Training Impur nung kanga takok ngua agiogo. Ajak agi arogo 14 nungi Associate Pastor Women-i anir delegates 28 arua shilem tajung agia liasu. Shisalem sayur Mr. Maong Jamir Asst. Director, Prodigal Home, Dimapur aser Mr. Moatoshi Counselor, MTBA liasu.

> Iba training nung tanu asen lima nung lokti rajang akumba tebilemtsuji social concern ta asuba lir, anungji arogotem nung social concern ajanga  maneni mapa tajung asoshi melaki inyakra asen lima shirangba anebtsu teimla lir ta shisalen sayuri sayua liasu. Tongtipang kaji, asen lima nung timtimji kechi ajanga arur aser iba timtim ajanga tarutsu nung teraksa kechi atoktsu ta asuba nung ajemdaker arogo nung sentong agitsuji kanga tongtipang ta shia liasu. Lokti sensaksem agiba mapang nung asen lima lokti nung timtim ajurubatem bendena lemsatepba mapang, timtim aika rongnungi "Kibong tesendaktep" makaba timtim ji timtim ajak tera(root) ta asadangtet. Anungji, arogtemi kibok nung kiboksem tajung maneni meranga oa ano arogo nung "kibok tesayuba" sentong tajung kibongtem asoshi agira jungtisu ta asadanga liasu. 

Counselling agiba tsutsu asenoki asen  nungdak beritsu asoshi masu saka timtima aliba nisung nungdak ataloktsutsu nukjidong nung agitsula ta sayua liasu.

> Tatem nung Rev. Dr. Mar Atsongchanger Executive Secretary, ABAM ajanga asenok meimchirji Temang,Tekolok aser Tanela asemprongla anema melira alima kodanga mesungjemtsu, anungji item asemji anema alitsu asoshi asenok lokti yagi inyaktsula ta shia liasu. Pa ajanga maneni arogo nung Social Concern ajanga lokti palala nung ajemrepa alibapur shi,tekolok aser temang asoshi temeden agutsutsu mapa inyaktsula ta shia liasu. Tamangertem ajaki Oba ta Tsungrem dang ajar saka asenoki adianu ama meliteter koba ajanga lokti ajak nung tim atemer, anungji Oba ta Tsungrem dang ajaba ama ajaki kasaji adianu ama ariabilemtepa alitsu tenzukti ta ayongzuka iba sentong tembang.

Maneni arogotemi mapa tajung asoshi melaki inyakti ta ABAM ajanga ayongzuker.